فروٹ رائفل

اجزا

دودھ1کلو
ونیلا کسٹرڈ آدھ کپ یا حسب ضرورت
جیلی سرخ1 پیکٹ
سبزجیلی۱پیکٹ
فروٹ کیک1پیکٹ
نیسلے کریم1پیکٹ
کیلئے4سے5عدد
سیب چھلکا اترے3عدد یاحسب ضرورت
چینی حسب ضرورت
فروٹ میں اگر سٹرابری ہو یا مینگو کا گودا وہ ڈال سکتے ہیں لیکن زیادہ اچھا سیب اور کیلئے کے ساتھ ہی لگتا ہے۔

طریقہ!

دودھ بوائل کرلیں اس میں چینی شامل کردیں ۔ بہت زیادہ میٹھا نہیں کرنا ۔ اب تھوڑے ٹھنڈے دودھ یا پانی میں کسٹرڈ ڈال کے مکس کریں۔ اور اسے دودھ میں شامل کردیں۔ ساتھ ساتھ چمچ چلاتی جائیں ۔ جب گاڑھا ہوجائے تو چولہے سے اتار دیں۔ اب دوسرے پین میں2کپ پانی میں جیلی کا ایک پیکٹ کھول کے ڈال دیں ایک ابال آئے تو چولہے سے اتار دیں ۔ اسی طرح دوسرے پیکٹ کے ساتھ یہ طریقہ دہرالیں ۔ اسے ٹھنڈا ہونے دیں ۔ ٹھنڈا ہونے پر ٹکڑیاں کاٹ لیں ۔ اب شیشے کا باﺅل لے لیں۔ اس میں تھوڑا سا کسٹرڈ ڈالیں پھر جیلی ڈالیں، فروٹ ڈالیں ۔ کیک چورا کرکے ڈالیں ۔ پھر دوبارہ کسٹرڈ ڈالیں ، اگر باﺅل بڑا گہرا ہے تو دوبارہ یہی طریقے سے چیزیں ڈالتی جائیں ۔ اگر نہیں تو کسٹرڈ کے بعد کیک کا چورا اوپر چھڑک دیں کہ کسٹرڈ نظرنہ آئے۔ اوپر جیلی اور کریم کے ساتھ سجادیں ۔ اسی طریقے کے ساتھ پیالیوں یا سرونگ گلاسوں میں بھی سرو کرسکتے ہیں۔