خواتین مردوں سے کسی میدان میں کم نہیں۔ چوہدری نسیم احمد

سکولز، کالجز، یونیورسٹیز ویمن فٹسال چمپئن شپ کا انعقاد مدینہ ایجوکیشنل کالج جھنگ روڈ فیصل آباد میں منعقد ہوا۔ فائنل میچ کے مہمان خصوصی چوہدری نسیم احمد چیئر مین فٹسال ایسوسی ایشن فیصل آباد تھے۔ چوہدری نسیم نے اس موقع پر خطاب کرتے ہوئے کہا کہ آپ خواتین مردوں سے کسی طرح کسی میدان میں کم نہیں، آپ اپنی محنت جاری رکھیں….. آپ نے ہمت اور حوصلے کیساتھ زندگی کے ہر میدان میں آگے بڑھنا ہے۔

ہم اس طرح کے مزید ایونٹس منعقد کرواتے رہیں گے اور کھیلوں کے پلیٹ فارم مہیا کرتے رہیں گے۔ تاکہ آپ خواتین کھلاڑیوں کو اپنی صلاحیتوں کو نکھارنے اور ملک کا نام روشن کرنے کے مزید مواقع ملتے رہیں۔ انہوں نے مزید کہا کہ کھیلوں کے بہتر انعقاد کیلئے مالی اور انتظامی تعاون کی سخت ضرورت ہے تاکہ گرلز اور بوائز کے کھیلوں کے مقابلے زیادہ سے زیادہ منعقد کروائے جائیں۔ تاکہ فیصل آباد کے کھلاڑیوں کا ٹیلنٹ ملکی اور غیر ملکی سطح پر اجاگر کیا جا سکے۔ چوہدری نسیم احمد نے جیتنے والے کھلاڑیوں میں اپنے سے 40 ہزار روپے کیش پرائز، ٹرافیاں، میڈلز اور سرٹیفکیٹس تقسیم کئے۔