کھلاڑیوں کیلئے ہر ممکن تعاون جاری رکھیں گے۔ چوہدری نسیم احمد، چیئرمین پنجاب فٹسال ایسوسی ایشن

بائیس دسمبر سے فیصل آباد کے نواحی علاقہ ”کے کے کنگ کلاں“ میں پانچواں 252 ویلیج سسٹم ہاکی ٹورنامنٹ کھیلا جا رہا ہے۔ جس میں فیصل آباد کی 8 ٹیمیں حصہ لے رہی ہیں۔ افتتاحی میچ گتی ہاکی کا مقابلہ بندالہ ہاکی ٹیموں کے درمیان ہوا۔ جو بندالہ ہاکی ٹیم نے 4/3 سے جیت لیا۔ میچ کے افتتاحی تقریب کے مہمان خصوصی چیئر مین پنجاب فٹسال ایسوسی ایشن چوہدری نسیم احمد تھے۔

انہوں نے اس موقع پر مین آف دی میچ نوید انٹرنیشنل ہاکی پلیئر کو کیش پرائز اور ٹورنامنٹ انتظامیہ غضنفر علی، کپتان شہباز احمد، کپتان پاکستان ایئر فورس ہاکی ٹیم، اور شفیق احمد سابق کوچ پاکستان آرمی، ہاکی ٹیم ”کے کے کلب“ کے صدر اویس بن انور کو بطور انعام حوصلہ افزائی پچاس ہزار روپے کیش دیا۔ اس موقع پر چوہدر ی نسیم احمد کا کہنا تھا کہ ہاکی ٹیم کی بہتری کیلئے ہم کھلاڑیوں کی حوصلہ افزائی جاری رکھیں گے اور ہاکی اکیڈمی کی

طرف سے میرا مکمل تعاون ہر طرح سے جاری رہے گا۔