رنگ ِ بہاراں ایکسپو 3 مارچ 2024

یخ بستہ ٹھنڈ اپنے جوبن پر ہے ….. مارچ کے آغاز میں رنگِ بہار کی فضائیں اپنی ادا ئیں دکھاتیں…..اٹھکیلیاں کرتی ہوائیں …. رنگ برنگے پھول …. تتلیاں …. ہمارے ماحول، موڈ، مزاج پر خوشگوار اثر ڈالتی ہیں۔زندگی کا بھر پور احساس دلانے اور لطف اندوز ہونے کیلئے صدف سہیل 3 مارچ 2024ء کو ”سنچری مال، بحریہ ٹاؤن راولپنڈی میں ایک ایکسپو منعقد کروا رہی ہیں۔ صدف سہیل جو کہ راولپنڈی کے ایک نجی سکول میں آرٹ کی ٹیچر ہیں …… وہ گذشتہ کئی عرصہ سے آرٹ و کرافٹ اور ڈیکوریشن کے شعبے سے وابستہ ہیں۔ اور بزنس ویمن بھی ہیں۔

صدف سہیل کا اس ایکسپو کے حوالے سے کہنا تھا کہ اس ایکسپو کا مقصد خواتین کی صلاحیتوں کو اجاگر کرنا….. اور ان کو ایسا پلیٹ فارم مہیا کرنا ہے ….. تاکہ ملازمت کرنے کی بجائے خواتین اپنے ہاتھ کی بنائی ہوئی چیزوں کو اپنے ٹیلنٹ کو پرموٹ کر سکیں۔ ان کو آگے بڑھنے کے مزید مواقع مل سکیں۔ انہوں نے مزید بتایا کہ اس ایکسپو میں رنگ برنگے تفریح کے بیشمار آئٹمز اور مختلف اسٹالز ہوں گے، بچوں کی تفریح کا سا ماں ہو گا۔ کاروباری خواتین خصوصی طور پر اس ایکسپو میں بھر پور شرکت کر رہی ہیں۔ انہوں نے خصوصی پیغام دیتے ہوئے کہا ہے کہ اس ایکسپو میں لوگ فیملیز کیساتھ بھر پور شرکت کریں، رنگِ بہاراں ایکسپو میں آپ کو لطف اندوز ہونے کے بھر پور مواقع ملیں گے اور ….. دلکش فن پارے اور آرٹ و کرافٹ کی منفرد اور دیدہ زیب اشیاء مناسب قیمت میں دستیاب ہوں گی۔مزیدار اور چٹ پٹ کھانے بھی ایکسپو کا حصہ ہوں گے۔