موت ایک تلخ حقیقت ہے

موت عبرت کا ساماں ہے….تماشا نہیں کوئی….ہرایک موت ہمارے لئے ایک بہت بڑا سبق ہے….ایک بہت بڑا پیغام ہے۔۔۔ہم نے بھی اس دنیا سے جاناہے….ہم جس دلدل میں ڈوب رہے ہیں…خدارا! باہر نکلیں اس سے

موت عبرت کا ساماں ہے….تماشا نہیں کوئی….ہرایک موت ہمارے لئے ایک بہت بڑا سبق ہے….ایک بہت بڑا پیغام ہے۔۔۔ہم نے بھی اس دنیا سے جاناہے….ہم جس دلدل میں ڈوب رہے ہیں…خدارا! باہر نکلیں اس سے

اس ملک کوناقابل تسخیر اوراٹیمی قو ت بنانیوالے ہمارے قومی ہیرو…عظیم انسان ڈاکٹرعبدالقدیرخان اس دنیا سے ہمیشہ کیلئے رخصت ہوگئے… اورہمارے عظیم فنکار عظیم انسان عمرشریف بھی اسی ماہ اکتوبر کے مہینہ میں رحلت فرما گئے…اللہ پاک ان کو جنت کااعلیٰ مقام عطا فرمائے..آمین!عظیم انسان صدیوں میں کم ہی پیدا ہوتے ہیں۔یوں تووطن میں ایسے بیشمار لوگ…جنہوں نے مختلف شعبوں میں نمایاں کارنامے سرانجام دیئے…عظیم کارناموں کیساتھ ساتھ اچھے انسان بھی تھے۔۔۔اس دنیا میں نہیں رہے…ایسی بہت ساری شخصیات تک ہماری رسائی نہ بھی ہو لیکن کارناموں ان کے کردار سے ہم واقف ِحال ہوتے ہیں…اوران کے بارے میں پڑھتے رہتے ہیں…آجکل سوشل میڈیا کادور ہے….پل پل کی خبر اورحالات سے آگاہ رہتے ہیں…ان دوشخصیات کاتذکرہ اورخبریں ابھی تک میڈیا کی زینت بنی ہوئی ہیں…ہماری اپنی فیملیز ممبرز میں۔۔۔رشتہ داروں اور آس پاس کتنے قیمتی اورپیارے لوگوں کی اموات ہوچکیں! موت خود ایک بہت بڑی تلخ حقیقت ہے…جو جو ملکی اہم شخصیات اس دنیا سے رخصت ہوتی جارہی ہیں….یا ہماری فیملی میں دوست..رشتہ داروں میں کسی بھی موت واقع ہوتی ہے…کتنا صدمہ اوردکھ اورقیامت کامنظر ہوتا ہے…وہ احساس اوردکھ بیان سے باہر…..اس سے بڑھ کر انسان کی زندگی میں دکھ اورصدمہ کوئی اور نہیں ہوسکتا…اپنے پیاروں کاکفن…دفن کاانتظام اپنے ہاتھوں سے کرتے اوراپنے ہاتھوں سے لحد میں اتارتے ہیں….اورہمیشہ کیلئے اگلے جہان میں اپنے دل کے ٹکڑے کواللہ کے حوالے کرکے آجاتے ہیں…ان کاتذکرہ کرتے آنکھیں نم ہوجاتی ہیں…آنسوؤں کاسیلاب تھمتا نہیں…زندگی پل بھر میں ہمیشہ کیلئے ختم ہوجاتی ہے۔.

   

کتنی شخصیات کتنے پیاروں کاسایہ ہمارے سروں سے اٹھ گیا…کتنے چراغ ہماری زندگیوں سے بجھ گئے!ان کی یاد میں برسی منائی جاتی ہیں…کتنی دیگیں پکائی جاتی ہیں…کتنے چڑھاوے چڑھائے جاتے ہیں….اورنہ جانے بہت کچھ کیاجاتا ہے..ان کی خوبیوں سے سیکھنے اور عمل کرنے کی بجائے جھوٹ ہرقدم پربولا جاتا ہے….غیبت جب تک دوسرے کی کرنہ لیں…سکون نہیں آتا…دوستوں میں اکھٹے بیٹھتے…کھاتے…ہنستے…اگلے لمحے وہ ہمارے درمیان نہیں….اسی کے خلاف زہر اگل رہے ہیں….منافقت سب سے بڑا دھوکہ…ہم اندر سے کچھ اور باہر سے کچھ اور….ہم ایک دوسرے مخلص نہیں…یہ ظلم ہم دوسرے کیساتھ توکررہے ہیں دراصل اپنے آپ پر ظلم کررہے ہیں…حسد ہمارے ذہن اورجسم کو کھوکھلا کررہی ہے…چوری…جن کے گھروں میں کھاتے اورکام کرتے ہیں…ان کے اعتبار کو ٹھیس پہنچاتے اورانہی کے گھروں میں چوری کرتے اورڈاکہ ڈالتے ہیں…سب سے بڑھ کر غصہ…طعنہ زنی جو ہماری شخصیت کاحصہ بن چکاہے….بات بہ بات ہمارے فیملی ممبرز..ہمارے دفاتر…کاروباری ملازمین پر غصہ نکلتا ہے…یہ رویہ پھر ہر جگہ ہرکیساتھ پیش آتا ہے…زبان کے الفاظ اورجذبات ذرا بھر بھی کنٹرول میں نہیں جو دل چاہا جہاں دل چاہا…لفظوں کے تیر برسا دیئے…رویوں میں اتنی سختی…غرور اوراکڑ اس قدر…اس کی زد میں غریب اورد وسرے بیچارے میں اس میں آکر کچلے جاتے ہیں…پیار ومحبت کی فضا دم توڑتی جارہی ہے….بہت ساری اخلاقیات پامال ہوتی جارہی ہیں…ہو تو بہت کچھ رہاہے…ہم کرکیا رہے ہیں…. وقت کے دھارے میں تیزی سے بہتے جارہے ہیں……ہرروز ہمارے سامنے اتنی اموات ہورہی ہیں..اتنے جنازے اٹھ رہے ہیں…ایسے ایسے حادثات کہ اللہ کی پناہ!

دل دہل جاتا ہے…رونگٹے کھڑے ہوجاتے ہیں…

لیکن ہم وقت کے دھول میں گم ہوکر سب بھول جاتے ہیں…پھر انہی روز مرہ کے کاموں میں مصروف ہوجاتے ہیں…خداراخدارا! بڑے بڑے کام… بڑ ے بڑے اعمال تو اللہ جس کو استطاعت دے وہ کرسکے…

ہم سوچیں یہ بہت مشکل کام…میں تو یہ کرنہیں سکتا…ہم سب کرسکتے ہیں!